राप्ती साहित्य परिषद जिल्ला शाखा रुकुम पश्चिमको मासिक रुपमा हुँदै आएको साहित्यमाला कार्यक्रमको ८१ श्रृङखला सम्पन्न भएको छ । जिल्ला सदरमुकाम खंलगामा कार्यक्रम भएको हो ।

१ सय ११ औं अन्तराष्ट्रिय नारी दिवसको अवसरमा विशेष कार्यक्रम गरिएको थियो । शाखाका अध्यक्ष मनलाल ओलीको अध्यक्षतामा भएको कार्यक्रममा एक दर्जन भन्दा बढी श्रष्टाले विभिन्न रचना वाचन गरेका थिए ।

श्रष्टाहरुले वाचन गरेको रचनाको मुकुन्द शर्मा, र प्रमोदकुमार शर्माले समिक्षा गर्नुएको थियो । उक्त कार्यक्रममा साहित्यकार मुकुन्द शर्मा, प्रमोदकुमार शर्मा, एक्कबहादुर केसी, लगायतको आतिथ्यता रहेको थियो । कार्यक्रमको सञ्चालन जिल्ला शाखाका सचिव ओमबहादुर खत्रीले गर्नुभएको थियो ।