रुकुम पश्चिमको मुसिकोट नगरपालिका वडा नम्बर १ सल्लेमा एक कुखुरा खोरमा आगलागी भएको छ । विद्युतको तार सर्ट भएर स्थानीय दुर्गा ददेलको कुखुरा फर्ममा आगलागी हुँदा करबि ८ सय ५० वटा ब्रोइलर कुखुरा जलेर नष्ट भएको जिल्ला प्रहरी कार्यालयका सूचना अधिकारी प्रहरी निरीक्षक राजिव श्रेष्ठले जानकारी दिनुभयो । 

सल्लेको एयरपोर्ट छेउमा रहेको कुखुरा खोरमा आगलागी हुँदा खोरमा रहेका सबै कुखुरा नष्ट भएको उहाँले बताउनुभयो । आगलागीबाट करिब ३ लाख बराबरको क्षेति भएको प्रहरी निरीक्षक श्रेष्ठले जानकारी दिनुभयो । आगो स्थानीय र प्रहरी मिलेर नियन्त्रणमा लिएपनि खोरमा रहेका सबै कुखुरा मरेको बताइएको छ ।