नेपाल पत्रकार महासंघ रुकुम पश्चिमले जिल्लाका चार जना पत्रकारलाई पुरस्कृत गरेको छ । सातौं साधारण सभाको अवसरमा महासंघले जिल्लामा क्रियाशिल ४ जना पत्रकारहरुलाई जनही ५ हजार र सम्मान पत्रले पुरस्कृत गरेको हो । 

पुरस्कृत हुनेमा गोरखापत्र दैनिकका जिल्ला संवाददाता राजु लामिछाने, आहा सञ्चार सप्ताहिकका प्रकाशक सम्पादक मेगराज खड्का, कान्तिपुर टेलिभिजनका जिल्ला संवाददाता महेश केसी र नेपाल टेलिभिजनका जिल्ला संवाददाता अमरराज पुन रहनुभएको छ । 

त्यस्तै महासंघले जिल्लास्थित सबै रेडियो, पत्रिका र अनलाइन, नेपाल पत्रकार महासंघकाे संस्थापक कायसमिति, पूर्व पदाधिकारी तथा जिल्लास्थित विभिन्न कार्यालयहरुलाई पनि कदर पत्रले सम्मान गरेको छ ।