रुकुम पश्चिमको मुसिकोट नगरपालिका वडा नम्बर १२ का जेष्ठ नागरिकलाई सिरक वितरण गरिएको छ । वडाले चिसोबाट जोगाउन वडाका ७५ वर्ष माथिका २८ जना जेष्ठ नागरिकहरुलाई बिहिबार फाइबरका सिरक वितरण गरेको हो । 

वडाको जेष्ठ नागरिक, सहिद परिवार, वेवारिसे तथा असहाय नागरिकलाई सम्मान कार्यक्रम अन्तरगत जेष्ठ नागरिकहरुलाई सिरक वितरण गरिएको वडाध्यक्ष धिरन शिर्पालीले बताउनुभयो । उहाँका अनुसार यसअघि १० जना वेवारिसे तथा असहायलाई सिरक वितरण गरिएको छ । 

अव ५ सहिद परिवारलाई सिरक वितरण गर्ने कार्यक्रम रहेको वडाध्यक्ष शिर्पालीको भनाई छ । यो कार्यक्रमका लागि वडाले १ लाख बजेट विनियोजन गरेको छ । चिसोबाट बचाउनका लागि यो कार्यक्रम बनाइएको वडाले जनाएको छ ।