रुकुम पूर्वको सिस्ने गाउँपालिका वडा नम्बर ५ ले फाइबर सिरक वितरण गरेको छ । आज एक कार्यक्रमको आयोजना गरि वडाले विभिन्न व्यक्तिहरुलाई फाइबर सिरक वितरण गरिएको हो । वडामा रहेका जेष्ठ नागरिक, अपाङ्ग, दलित, एकल महिला र लक्षित वर्गलाई सिरक वितरण गरिएको  वडाले जनाएको छ । 

वडाको बार्षिक स्वीकृत कार्यक्रम अन्तर्गतको ५ लाख रुपैयाँबाट सिरक खरिद गरि वितरण गरेको वडाध्यष बिरेन्द्र बस्नेतले जानकारी दिनुभयो । उहाँका अनुसार चिसोबाट बच्नको लागि सिरक वितरण गरिएको हो । वडाका कुल २ सय ५० जनालाई सिरक दिने कार्यक्रम रहेकामा आज पहिलो दिन १ सय ३५ जनाले सिरक पाएका छन् ।