नेत्र विक्रम चन्द विप्लव नेतृत्वको नेकपा निकट विद्यार्थी संगठन अखिल क्रान्तिकारी रुकुम पश्चिमको अध्यक्षमा धनु ओली निर्वाचित हुनुभएको छ । आज मुसिकोटमा भएको २८ औं जिल्ला सम्मेलनबाट ओली सर्वसम्मत अध्यक्षमा निर्वाचित हुनुभएको हो । 

सम्मेलन ओलीको अध्यक्षतामा २७ सदस्यीय जिल्ला समिति चयन गर्दै सम्पन्न भएको छ । जसको उपाध्यक्षमा उपाध्यक्षमा राकेश बिक, सचिवमा पूर्ण केसी, सह सचिवमा रिया महर र कोषाध्यक्षमा हेमन्त शर्मा रहनुभएको छ । सम्मेलनको अखिल क्रान्तिकारी केन्द्रीय महासचिव ललित बिकले उद्घाटन गर्नुभएको थियो । 

त्यस्तै सम्मेलनमा युवा संगठनका केन्द्रीय कोषाध्यक्ष विश्लेषण, पार्टी केन्द्रीय सदस्य सबिन पोख्रेल र चन्द्र बुढा, अखिल क्रान्तिकारीका लुम्बिनी प्रदेश इन्चार्ज बिज्ञान रावल, केन्द्रीय सचिवालय सदस्य हरि पुन, युवा संगठन नेपालका केन्द्रीय सदस्य विवेक विश्वकर्मा लगायतको उपस्थिति रहेको थियो ।