नेपाली कांग्रेस मुसिकोट नगर सह सचिव ध्रुवविक्रम थापाले पद त्यागेको घोषणा गर्नुभएको छ । सामाजिक सञ्जाल फेसबुक मार्फत उहाँले आफु अवदेखि नेपाली कांग्रेस मुसिकोटको सह सचिवको जिम्मेवारीमा नरहेको घोषणा गर्नुभएको हो । 

अवसर बाँडफाँड तथा विकास निर्माणमा पक्षपात भइरहेको आरोप थापाको छ । स्थानीय सरकारले आफ्ना नजिकका र परिवारका सदस्यलाई मात्र अवसर दिएको तर पार्टीका लागि योगदान गरेकालाई उपेक्षा गरेको उहाँले फेसबुकमा लेख्नुभएको छ । 

उहाँले मुसिकोट नगर सरकारलाई लक्षित गर्दै आगामी दिनमा हरेक गतिविधिको विरोध गर्ने पनि बताउनुभएको छ ।