रुकुम पश्चिमको मुसिकोट नगरपालिका वडा नम्बर १० ले निःशुल्क लोक सेवा तयारी कक्षा संचालन गर्ने भएको छ । वडाले एक सूचना जारी गर्दै आर्थिक वर्ष २०७९/०८० को स्वीकृत कार्यक्रम अनुसार लोक सेवा तयारी कक्षा सन्चालन गर्न लागेकाे हाे ।

लाेक सेवाकाे तयारी गरिरहेका युवा युवतिलाई लक्षित गर्दै वडाले निःशुल्क तयारी कक्षा संचालन गर्न लागेकाे वडा अध्यक्ष धनबहादुर खडका (बसन्त) ले जानकारी दिनुभयो । उहाँका अनुसार लोक सेवाकाे आकर्षणलाई मध्यनजर गरेर वडामा स्थायी रूपमा बसोबास गर्नेहरुका लागि लोक सेवाकाे तयारी कक्षा हुन लागेकाे हाे ।

लोकसेवा तयारी गर्न चाहने एसएलसी तथा एसइई पास गरेकाहरूलाई पुस मसान्तसम्म ब्यक्तिगत निवेदन, नागरिकताको प्रमाण पत्रको प्रतिलिपी र शैक्षिक योग्यताका प्रमाणपत्रको प्रतिलिपी सहित वडा कार्यालयमा सम्पर्क गर्न वडा कार्यालयले अनुराेध गरेकाे छ । याे कार्यक्रमका लागि वडाले २ लाख बजेट विनियाेजन गरेकाे छ ।