रुकुम पश्चिमको सानीभेरी गाउँपालिका वडा नम्बर ३ मा वडाध्यक्ष कप हुने भएको छ । युवा तथा खेलकुद विकास समिति सानीभेरी गाउँपालिकाको आयोजनामा माघ ९ गते देखि १२ गतेसम्म तेस्रो वडाध्यक्ष कप हुन लागेको हो । कप अन्तर्गत शुद्ध वडा स्तरीय पुरुष भलिबल प्रतियोगिता हुने छ । भलिबलको विजेताले नगद ७५ हजार पुरस्कार पाउने आयोजकले जनाएको छ ।

उप विजेताले ५५ हजार नगद पुरस्कार पाउँदा तेस्रो हुने टिमले नगद २५ हजार पुरस्कार पाउने छ । हाम्रो कला, हाम्रो संस्कृति, हाम्रो पहिचान, राष्ट्रका लागि खेल, स्वास्थ्यका लागि खेल भन्ने नाराका साथ प्रतियोगिता आयोजना गरिएको हो । प्रतियोगिता संचालनका लागि सानीभेरी गाउँपालिका वडा नम्बर ३ ले आर्थिक सहयोग गरेको छ । त्यस्तै विभिन्न साँस्कृतिक कार्यक्रमहरु पनि संचालन हुने आयोजकले जनाएको छ ।