जिल्ला सहकारी संघ रुकुम पूर्वको पहिलो वार्षिक साधारण सभा सम्पन्न भएको छ । शनिबार सिस्ने गाउँपालिका–६ रुकुमकोटमा जिल्ला सहकारी संघ रुकुम पूर्वको पहिलो साधारण सभा सम्पन्न भएको हो । ‘मर्यादित व्यवसाय र प्रविधिमा सहकारी’ भन्ने नारा सहित सहकारी संघको पहिलो साधारण सभा उद्घाटन गरिएको थियो । 

जिल्ला सहकारी संघका अध्यक्ष वशन्तकुमार श्रेष्ठको अध्यक्षतामा कार्यक्रम गरिएको थियो । साधारण सभा कार्यक्रममा जिल्ला समन्वय समितिका प्रमुख मेघबहादुर श्रेष्ठको प्रमुख आतिथ्यता र सिस्ने गाउँपालिकाका अध्यक्ष कृष्ण रेग्मीको विशेष आतिथ्यता रहेको थियो । जिल्लामा हाल दर्ता रहेका ४२ वटा सहकारी मध्ये १४ वटा सहकारी संस्था मात्र सक्रिय रहेको जिल्ला सहकारी संघले जानकारी दिएको छ ।