रुकुम पूर्वको सिस्ने गाउँपालिका वडा नम्बर ४ ले ज्येष्ठ नागरिकलाई ब्ल्यांकेट वितरण गरेको छ । आइतबार वडा कार्यालयमा एक कार्यक्रमको आयोजना गरी ब्ल्यांकेट वितरण गरेको हो । 

वडाको वार्षिक कार्यक्रम अन्तर्गत वडाका १ सय १८ जना ज्येष्ठ नागरिकलाई ब्ल्यांकेट वितरण गरिएको वडाध्यक्ष दलराज घर्ती मगर कखरालाई जानकारी दिनुभयो ।  उहाँका अनुसार वडाका  १ सय ४३ जना ज्येष्ठ नागरिक मध्ये बाँकी रहेका २५ जनालाई आज सोमबार ब्ल्यांकेट वितरण गरिने बताउनुभयो । वडाको २ लाख बजेटबाट ब्ल्यांकेट खरिद गरी ६८ वर्ष माथिका ज्येष्ठ नागरिकलाई वितरण गरिएको वडाले जनाएको छ ।