रुकुम पूर्वमा नमुना गाउँ सभा अभ्यासका लागि सिस्ने गाउँपालिका वडा स्तरीय युवा क्लव गठन अन्तर्गत सोमबार ८ नम्बर वडामा युवा क्लव गठन गरिएको छ । वडा कार्यालय धपेमा युवाहरूको भेलाले मनिषकुमार मल्लको अध्यक्षतामा १५ सदस्यीय युवा क्लव गठन गरिएको हो । जसको उपाध्यक्ष जय बुढामगर र सचिवमा गिता रोकालाई चयन गरिएको छ ।
यस्तै नबिन बिक सहसचिब र सुरेश गिरी कोषाध्यक्ष हुनु भएको छ । राष्ट्रिय युवा परिषद् जिल्ला युवा कार्यकारी समिति रुकुम पूर्वको आयोजना तथा सिस्ने गाउँपालिका शिक्षा युवा तथा खेलकुद शाखाको समन्वयमा १ नम्बर वडाको सिस्ने बाट सुरु गरिएको युवा क्लव गठन वडा नम्बर ३, ४ हुँदै सोमबार ८ नम्बर वडामा पुगेको राष्ट्रिय युवा परिषद् जिल्ला युवा कार्यकारी समिति रुकुम पूर्वका अध्यक्ष सुवास गौतमले जानकारी दिनुभयो ।
उहाँका अनुसार भोली मंगलबार ७ नम्बर वडामा युवा क्लव गठन गरिने भएको छ । युवालाई व्यक्तित्व विकास साथै क्षमता विकास र विभिन्न क्षेत्रमा अगाडि बढ्नमा टेवा पु¥याउने उद्देश्यले क्लव गठन गरिएको अध्यक्ष गौतमले जानकारी दिनुभयो । सबै जातजाति, धर्म, वर्ण लिङ्गलाई समेटिने गरी युवा क्लव गठन भइरहेको उहाँले बताउनुभयो । आर्थिक वर्ष २०७९/०८० को वार्षिक स्वीकृत कार्यक्रम अन्तर्गत गाउँपालिकाले युवा क्लव गठन गरिरहेको छ ।
