रुकुम पूर्वको पुथाउत्तरगंगा गाउँपालिकाले यो वर्षको राष्ट्रपति रनिङ शिल्ड आगामी फागुन ५ गतेदेखि गर्ने भएको छ । गाउँकार्यपालिका वैठकले चौंथो राष्ट्रपति रनिङ शिल्ड फागुन ५, ६ र ७ गते वडा गर्ने निर्णय गरेको हो । तर शिल्ड हुने स्थान भने निश्चित भइसकेको छैन् ।

देउराली मावि हुकाममा जारी फिल्ड निर्माणको काम सकिएमा सोही विद्यालयमा र नसकिएमा वडा नम्बर १० को माहेन्द्र मावि तकसेरामा शिल्डा संचालन हुने गाउँपालिका शिक्षा शाखा प्रमुख रामप्रसाद खड्काले बताउनुभयो । शिल्डमा छात्र, छात्रा भलिबल, कबड्डी, एथ्लेटिक्स तर्फ छात्र १ मिटर, २ सय मिटर, ४ सय मिटर, ८ सय मिटर, १५ सय मिटर, ३ हजार मिटर दौड, ४ १०० मिटर रिले र ४ ४०० मिटर रिले दौड संचालन हुने छ । 

त्यस्तै छात्रा १ सय मिटर, २ सय मिटर, ४ सय मिटर, ८ सय मिटर, १५ सय मिटर, ३ हजार मिटर दौड, ४ १०० मिटर रिले ४ ४०० मिटर रिले दौड संचालन हुने खड्काले बताउनुभयो । उहाँका अनुसार उफ्रने, फ्याँक्ने (फिल्ड) तर्फ छात्र छात्रा हाइजम्प, लङजम्म, त्रिपलजम्प, ज्याभलिङथ्रो र सटफुट खेल संचालन हुने छ ।