रूकुम पूर्वकाे भूमे गाउँपालिकामा ४ कोठे विद्यालय भवनको शिलान्यास गरिएको छ । वडा नम्बर ३ मोराबाङमा रहेको नमूना आधारभूत विद्यालयकाे ४ काेठे भवनकाे शिलान्यास गरिएको हाे । भूमे गाउँपालिकाका अध्यक्ष होमप्रकाश श्रेष्ठले उक्त भवनको शिलान्यास गर्नुभयाे ।

उक्त भवन निर्माणकाे जिम्मा जय के जे निर्माण सेवाले ४४ लाखमा लिएको छ । गाउँपालिका अध्यक्ष श्रेष्ठले निर्धारित समयमै काम सम्पन्न गर्न निर्माण कम्पनीलाई आग्रह गर्नुभयाे । भवन शिलान्यास कार्यक्रममा वडा अध्यक्ष प्रशुराम बुढा, वडा सदस्य नरबहादुर सुनार, पूर्व वडा सदस्य नरसिंह शाह, गाउँपालिकाका कर्मचारी चन्द्र रसाईली, प्रधानाध्यापक टेकबहादुर श्रेष्ठ लगायतको उपस्थिति रहेको थियो ।