रूकुम पूर्वकाे भूमे गाउँपालिका वडा नम्बर ३ मा जेष्ठ नागरिकलाई सम्मान गरिएको छ । शुक्रबार एक कार्यक्रमका विच ६० वर्ष भन्दा माथिका जेष्ठ नागरिक र अपाङ्गता भएका व्यक्तिहरूलाई फाइबर सिरक दिएर समान गरिएको वडा अध्यक्ष प्रशुराम बुढाले जानकारी दिनुभयाे । वडामा रहेका १ सय ३७ जेष्ठ नागरिक र ५० जना अपाङ्गता भएका व्यक्तिहरूलाई सम्मान गरिएको हो । 

चिसोबाट बच्नको लागि फाइबर सिरक बितरण गरिएको वडा अध्यक्ष बुढाले बताउनुभयाे । वडा अध्यक्ष बुढाको अध्यक्षतामा भएको कार्यक्रममा पुर्व वडा अध्यक्ष दिलमान रोका, वडा सदस्य नरबहादुर सुनार, निमकुमारी सुनार, बुद्धिजिवी जोगबहादुर पुन लगायतको उपस्थित रहेको थियो । कार्यक्रमको संचालन वडा सहायक ओमप्रकाश सुनारले गनुभएको थियो ।