रावखेत देखि महाकाली मावि सम्मकाे सडक पिच हुँदै
रुकुम पश्चिमको मुसिकोट नगरपालिका वडा नम्बर २ को एक स्थानीय सडक पिच हुने भएको छ । वडाको रावखेत–कालचिउरी–मुसिकोट सडक खण्डको केही भाग कालोपत्रे हुन लागेको हो । रावखेत–कालचिउरी हुँदै महाकाली माविसम्मको सडक कालोपत्रे हुन लागेको वडाध्यक्ष दिनेश खड्काले जानकारी दिनुभयो ।
उहाँका अनुसार १ किलोमिटर सडक कालोपत्रे हुन लागेको छ । सडक ३.७५ मिटर चौडा हुने छ । उक्त सडक कालोपत्रेका लागि २ करोड बजेट खर्च हुन लागेको वडाध्यक्ष खड्काले बताउनुभयो । यो बजेट संघीय सरकारबाट आएको हो । जिल्लामा पूर्वाधार विकास कार्यालय चौरजहारी मार्फत कार्यान्वयन हुन लागेको हो ।
१, २ दिनमै काम सुरु हुने वडाध्यक्ष खड्काको भनाई छ । यसै आर्थिक वर्ष भित्र काम सक्ने समयसिमा रहेको उहाँले बताउनुभयो ।।
प्रकाशित मिति: बुधबार, माघ २५, २०७९ १७:२६
प्रतिक्रिया दिनुहोस्
-1732617497.jpg)
साताको लोकप्रीय
