गत मंसिर ४ को निर्वाचनमा प्रदेश सभा तर्फका उम्मेदवार केशव रावलले नेकपा माओवादी केन्द्र रुकुम पूर्वका इन्चार्ज तेजबहादुर ओली प्रतिकको निर्देशनमा आफुले उम्मेदवारी दिएको खुलासा गर्नुभएको छ । पार्टी प्रदेश समितिलाई पत्र लेख्दै उहाँले आफ्नो व्यक्तिगत चाहनाले नभई पार्टी इन्चार्ज प्रतिकको निर्देशनमा रुकुम पूर्व प्रदेश सभा २ बाट उम्मेदवारी दिएको खलासा गर्नुभएको हो । 

पार्टी केन्द्रको निर्णय विपरित गएर आफुले उम्मेदवारी नदिने सोँच बनाएको भएपनि इन्चार्जको निर्देशनमा उम्मेवारी दिएको र पछि उहाँले नै उम्मेदवारी फिर्ता लिन भनेपनि आफुले फिर्ता नलिएको उहाँको भनाई छ । ‘पार्टी इन्चार्जले कांग्रेसका उम्मेदवारसंग वार्गेनिङका लागि सुरुमा उम्मेदवारी दिन लगाउनुभएको रैछ सहमति अनुसार अन्तत् मलाई उम्मेदवारी फिर्ता लिन भन्नुभएको रैछ मैले यो कुरा बुझेँ र उम्मेदवारी फिर्ता लिएन, उहाँले भन्नुभएको छ ।’

उम्मेदवारी फिर्ताका लागि आँफुलाई पनि ५० औं लाखको आर्थिक लोभ देखाइएको उहाँले पत्रमा लेख्नुभएको छ । ‘उहाँले भन्नुभएको छ–मैले मेरो इमानलाई पैसासंग साट्न नहुने र उम्मेदवारी फिर्ता लिँदा पैसा लेनदेन गरी फिर्ता लिएको भ्रम पैदा हुने तथा पार्टी र स्वयं मेरो राजनीतिक जीवनमा धक्का लाग्ने अवस्था आउथ्यो त्यसैले उम्मेदवारी फिर्ता लिनु अनुचित हुने मेरो ठहर र जिल्ला कै केन्द्रीय नेताहरुको सल्लाह वमोजिम मैले मेरो उम्मेदवारी कायम राखेँ ।’ 

अर्को उम्मेदवारसंग आर्थिक डिल गरेर उम्मेदवारी फिर्ता गर भन्ने इन्चार्ज प्रतिकको धारणा के हो ? भन्दै उहाँले प्रश्न समेत गर्नुभएको छ । बागी अन्य उम्मेदवारलाई सहयोग गर्ने पार्टीका जिम्मेवार केही व्यक्तिलाई किन कारवाही नगरेको भन्ने प्रश्न पनि उहाँले गर्नुभएको छ । यसबारेमा आफुसंग प्रमाण रहेको र पार्टीले माग गरेमा सम्बन्धित निकायमा पेश गर्ने रावलले बताउनुभएको छ ।  

यि सवै तथ्य र आधारबाट हेर्दा म कार्बाहीमा रहनुपर्ने होईन भन्ने मेरो दावी छ, यद्धपि म पार्टीको जति लामो जति कडा कार्वाही भोग्न सहन तयार छु उहाँले भन्नुभएको छ–तर, मैले कार्बाही भोग्नुपर्दा मलाई उम्मेदवारी दिन निर्देशन गर्ने इन्चार्जलाई समेत कार्वाही हुनुपर्ने होईन र ? मैले त पार्टी इन्चार्जको निर्देशनको पालना गरेर उम्मेदवारी दिएको हुँ, त्यसैले मलाई सहयोग गर्दा कार्वाहीमा परेका सवै कमरेडहरुको कार्वाही खारेजी तथा फिर्ताको लागि अनुरोध गर्दछु ।’

रावलले पार्टी इन्चार्ज ओली माथि गम्भिर आरोपहरु पनि लगाउनुभएको छ । इन्चार्ज ओली आत्मकेन्द्रित व्यक्तिवादी भएको आफु बाहेक अन्यले टिकट पाउनुहुन्न र म मन्त्री हुने हो त्यसैले मैले टिकट पाउनुपर्छ भनेको, पार्टी भित्रकै नेता कार्यकर्ताहरुलाई हप्की धप्कीले ठिक गर्न खोज्ने र हप्की धप्की नचल्दा अनेक जाल बुन्ने र जालमा पार्न खोज्ने व्यक्ति भएको रावलको दाबी छ । 

इन्चार्ज ओलीले प्रदेश सभा सदस्य हुँदा आफ्नो निर्वाचन क्षेत्र भित्र पर्ने हरेक जसो योजना÷वजेटवाट १० प्रतिशत वा सो भन्दा माथि कमिसन खुलम खुल्ला मागेको, साँस्कृतिक रुपमा समेत विचलित रहेको र उहाँकै कारण उहाँ सहित पार्टीले समेत हारेको, पार्टी भित्र द्धन्द सिर्जना भएको रावलले आरोप लगाउनुभएको छ । यसको छानविनका लागि उहाँले पार्टीलाई आग्रह गर्नुभएको छ ।

रावलले पार्टीलाई लेखेको पत्र: