जिल्लाको भूमे गाउँपालिका–३ मा छ नाल भरुवा बन्दुक फेला परेका छन् । भूमे–३ तुनबाङ खोलाको जङ्गलमा सोमबार आज बेवारिसे छ नाल भरुवा बन्दुक फेला परेको प्रहरीले जनाएको छ । 

पाँच साबुत चल्न सक्ने र एक बेसाबुत चल्न नसक्ने अवस्थामा रहेको जिल्ला प्रहरी कार्यालयका प्रमुख प्रहरी नायव उपरीक्षक (डीएसपी) अञ्जना श्रेष्ठले जानकारी दिनुभयो । डीएसपी श्रेष्ठका अनुसार उक्त भरुवा बन्दुक जङ्गलमा बेवारिसे अवस्थामा फेला परेका हुन् । ती बन्दुक कसले र किन राख्यो भनेर पत्ता लाग्न नसकेको प्रहरीले जनाएको छ । यस विषयमा आवश्यक अनुसन्धान भइरहेको डीएसपी श्रेष्ठले बताउनुभयो ।