नेपाल शिक्षक संघ रुकुम पश्चिमको नवौं अधिवेशन मुसिकोटमा सम्पन्न भएको छ । नयाँ नेतृत्व चयन गर्दै अधिवेशन मंगलबार सम्पन्न भएको हो । अधिवेशनबाट डम्बरबहादुर खड्काको अध्यक्षतामा २५ सदस्यीय जिल्ला कार्यसमिति गठन भएको छ ।  

अध्यक्ष खड्का त्रिभुवन जनता मावि मुसिकोट खलंगामा अध्यापनरत हुनुहुन्छ । त्यस्तै उपाध्यक्षमा शंकरकुमार रावल, महिला उपाध्यक्षमा प्रभा थापा ओली, सचिवमा खड्कबहादुर डिसी र अर्थ सचिवमा डिल्ली डाँगी चयन हुनुभएको छ । 

सह–सचिवमा यज्ञबहादुर ओली, मनजित ओली, शुधिरकुमार केसी, सह–सचिव अर्थमा मञ्जु केसी, सह–सचिव महिलामा शारदा पुन रहनुभएको छ । सर्वसम्मत नयाँ नेतृत्व चयन भएको संगठनका भुतपूर्व अध्यक्ष देवबहादुर खड्काले बताउनुभयो ।