रुकुम पश्चिमको बाँफिकोट गाउँपालिका स्तरीय राष्ट्रपति रनिङ शिल्ड विरेन्द्र माविले जितेको छ । वडा नम्वर–५ स्थित स्यार्पूमा भएको शिल्डमा सहभागी ९ वटा विद्यालयलाई पछि पार्दै वडा नम्बर ४ मा रहेको विरेन्द्र माविले शिल्ड जितेको हो । 

उसले कुल १ सय ३० अंक प्राप्त गर्यो । २ नम्बर वडाको जनकल्याण मावि ९३ अंक ल्याएर दोस्रो भएको छ भने ७३ अंक ल्याएर वडा नम्बर ६ मा रहेको सिद्धार्थ मावि तेस्रो बनेको छ । शिल्डमा छात्र, छात्रा भलिबल, छात्र, छात्रा दौड, रिले दौड संचालन गरिएको थियो । 

त्यसैगरि छात्रा, छात्र हाइजम्प, लङजम्प, त्रिपलजम्प, सटफुट, ज्याभलिङ थ्रो खेल पनि संचालन गरिएको गाउँपालिका शिक्षा, युवा तथा खेलकुद शाखा प्रमुख रत्नबहादुर केसीले जानकारी दिनुभयो । फागुन ८ गतेदेखि सुरु भएको शिल्ड १२ गतेसम्म संचालन भएको थियो । शिल्ड गाउँपालिकाले आयोजना गरेको हो ।