१३ औं राष्ट्रपति रनिङ शिल्ड विजेता आठबीसकोट नगरपालिकाका खेलाडीलाई आज नगरपालिकामा स्वागत गरिएको छ । आइतबार जिल्लाको चौरजहारी नगरपालिकाको शितल माविमा सम्पन्न शिल्डमा १४ स्वर्ण पदक सहित आठबीसकोट नगरपालिकाले शिल्ड जितेको थियो । 

आज विजयी खेलाडी विद्यार्थीहरुलाई स्वागतका साथै विजय र्याली निकालिएको छ । नगरपालिकाको कार्यालय देखि सुरु भएको विजयी र्याली राडी बजार परिक्रमा गरी पुनः नगरपालिका कार्यालयमै पुगेर सम्पन्न भएको थियो । विजयी खेलाडीलाई बाजागाजा सहित राडी बजार परिक्रमा गराइएको थियो । 

विजयी खेलाडी, नगर खेलकुद विकास समितिका पदाधिकारी, शिल्डमा सहभागी व्यवस्थापक लगायतलाई बधाई तथा धन्यवाद दिँदै आगामी दिनमा पनि यस खालको प्रर्दशनलाई जारी राख्न आग्रह गर्नुभयो । नगर सरकार खेलको विकासका लागि प्रतिबद्ध रहेको बताउँदै उहाँले खेल विकासका लागि नगरपालिका लागि पर्ने बताउनुभयो । 

विजय र्यालीमा खेलाडी, खेलकुद समिति, नगर प्रमुख, उप–प्रमुख, नगरपालिकाका कर्मचारी, खेलप्रेमी तथा बजारवासीको सहभागिता रहेको थियो । आठबीसकोटले १४ स्वर्ण, ११ रजत र २ काँस्य पदक सहित शिल्ड जितेको हो ।