किनमेलका लागि बजार हिँडेको जिप दुर्घटना हुँदा ६ जना घाइते भएका छन् । आठबीसकोट नगरपालिका १२ को ठूलीबार्खुबाट नगरपालिका केन्द्र राडी बजार गइरहेको ग १ ज ६०४७ नम्बरको जिप दुर्घटना हुँदा एकै परिवारका ३ सहित ६ जना घाइते भएको जिल्ला प्रहरी कार्यालयका सूचना अधिकारी प्रहरी निरीक्षक हरि हरि ओलीले जानकारी दिनुभयो । उहाँका अनुसार घाइते हुनेमा सोही ठाउँका जिप चालक ३४ वर्षका गंगे काम, उहाँका ६ वर्षीय छोरा सर्जन र ३ वर्षीया छोरी लक्ष्मी रहनुभएकाे छ ।

दुर्घटनामा परेर सोही वडाका १४ वर्षका शैलेन्द्र नेपाली, १४ वर्षका राजकुमार कामी र १२ वर्षका मणिराम नेपाली पनि घाइते भएको प्रहरी निरीक्षक ओलीले जानकारी दिनुभयो । घाइतेमध्य शैलेन्द्रको अवस्था गम्भिर रहेको र उनलाई रेफरको तयारी भइरहेको छ । सबैको प्राथमिक उपचार आठबीसकोट नगर अस्पतालमा भइरहेको छ । उनीहरु सबै राडीबजारमा दसैंको किनमेलका लागि जाँदै थिए । जिप सडक भन्दा ३ सय मिटर तल पुगेको छ ।