आसन्न स्ववियू निर्वाचनका लागि अनेरास्ववियू क्रातिकारी रुकुम पश्चिमले  जिल्लामा रहेका ८ क्याम्पस मध्ये ३ क्याम्पसका सभापतीको टुङगो लगाएको छ । खलंगा बहुमुखी क्याम्पस मुसीकोटमा रमेश लाछिछाने, सिम्रुतु शिक्षा क्याम्पसमा निर्मला बुढाथोकी र शितल क्याम्पस चौरजहारीमा निराजन केसीलाई सभापती पदको उम्मेदवारमा संगठनले अघि सारेको छ । 

मुसिकोट खलंगा बहुमुखी क्याम्पसमा अनुभवी रमेश  
लामिछाने अहिले उमेरले २४ वर्षको हुनभयो । सल्यान जिल्लाको कुमाख गाउँपालिका  ३ नम्बर वडाको रागेचौरमा जन्मनु भएका उहाँ अहिले खलंगा बहुमुखि क्याम्पस मुसीकोटमा शिक्षा संकाय तर्फ मास्टर तहको तेस्रो सेमेस्टरमा अध्यन गरिरहनु भएको छ । कक्षा १ देखि ७ सम्म जनता माद्यामिक विद्यालय कुमाख गाउँपालिका वडा नम्बर ३ रागेचौरमा अध्यन गर्नुभयो । भने त्यसपछि बाँकेको  कोहलपुर नगरपालिका वडा नम्बर १ कौशिलानगरमा परिवार बसाई सरेपछि ९ र १० कृष्ण माद्याविक विद्यालय कोहलपुर १ कौशिला नगरमा अध्यन गर्नुभयो ।

कक्षा ११ र १२ पनि सोही नगरपालिकाको वडा नम्बर ११ मा रहेको त्रिभुवन माध्यमिक विद्यालयमा अध्यन गरेपछि भने उहाँ रुकुम पश्चिम आउनुभयो । २०७३ सालमा रुकुम पश्चिम आनुभएका लामिछाने खलंगा बहुमुखी क्याम्पसमा स्नातक अध्यन सुरु गर्नुभयो । स्नातक अध्यन सकिएपछि उहाँ अहिले सोहि क्याम्पसमा स्नातकोत्तर तेस्रो सेमेस्टरमा अध्यन गरिरहनुभएको छ । 

९, १० कक्षामा पढ्दा कृष्ण मावि कोहलपुरबाट विद्यार्थी संगठनमा आवद्ध हुनुभएका लामिछाने २०७३ सालमा रुकुम पश्चिम खलंगा बहमुखी क्याम्पस स्नातक सुरु गरेपछि २ वर्ष अनेरास्ववियू क्रान्तिकारीको क्याम्पस अध्यक्ष संगै विद्यार्थी संगठनको जिल्ला सदस्य बन्नुभयो । २०७६ सालमा जिल्ला सचिवालय सदस्य, २०७८ सालमा कर्र्णाली प्रदेश सदस्य बन्नुभएका लामिछाने हाल भने उहाँ संगठनको प्रदेश सचिवालय सदस्य हुनुहुन्छ । क्रियटिभ युथ नेटवर्क नेपालको अध्यक्ष समेत हुनुहुन्छ । मानव विकास सम्बन्धी काम गर्ने क्रियटिभ युथ नेटवर्क नेपालको केन्द्रीय कार्यालय रुकुममा रहेको छ । यसले देशैभर रुकुमबाट मानव विकास सम्वन्धी काम गरिहेको छ ।

विद्यार्थीको समग्र हकहितका लागि आफ्नो उम्मेदवारी रहेको उहाँको भनाई छ । लामो समय देखि विद्यार्थी संगठनमा रहेर विद्यार्थीहरुकै हक हितका पक्षमा काम गर्दै आइरहेकोले शैक्षिक र विद्यार्थीका समस्याका बारेमा जानकार रहेकाले अव साझा संगठनको नेतृत्व गरेर उक्त समस्या हल गर्न आफु अघि सरहेको उहाँले बताउनुभयो । 

शितल क्याम्पसमा खारिएका निराजन  
२३ वर्ष पुगेका केसीलाई संगठनले सभापतीको उम्मेदवारमा अघि सारेको छ । चौरजहारी नगरपालिका वडा नम्बर १० भलाक्चामा जन्मनु भएका केसी सानै उमेर देखि बाल क्ललहरुमा सक्रिय हुनुहुन्थ्थो । वडा नम्बर ५ को  लहरे सिमल निमाविमा १ कक्षा देखि ८ सम्म अध्यन गर्नुभएका उहाँ ६ कक्षा पढदै गर्दा बाल क्लवहरुमा आवद्ध हुनुभएको थियो । 

कक्षा ८ मा पढ्दा तत्कालिन विजयश्वरी गाविसको बाल क्लवको कोषाध्यक्षको जिम्मेवारी सम्हाल्नुभएको थियो । चौरजहारी नगरपालिका वडा नम्बर २ को शितल माविमा कक्षा ९ देखि १२ कक्षासम्म सिविल सव इन्जिनियर अध्यन गर्नुभएका केसीले कक्षा ९ मा पढ्दै गर्दा  २०७० सालमा नेकपा आओवादी केन्द्र निकट विद्यार्थी संगठन अखिल क्रान्तिकारीमा आवद्ध हुने मौका सहित मावि मुल एकाई समितिको सचिवको जिम्मेवारी पाउनुभयो । 

२०७१ सालमा मावि मुल इकाइ समितिको अध्यक्ष बन्नुभयो । २०७४ सालमा जिल्ला समिति सदस्य बन्नुभएका केसी पुनः जिल्ला सम्मेलनबाट जिल्ला सदस्य, जिल्ला सचिवालय सदस्य, संगठनको जिल्ला अनुसन्धान विभाग संयोजक, साविकका ४ वटा गाउँ विकास समिति विजयश्वरी, कोटजहारी, खोलागाउँ र नुवाकोटको कमाण्ड इन्चार्जको जिम्मेवारी प्राप्त गर्नुभयो ।

२०७५ मा संगठनको सम्मेलन भएपछि भने चौरजहारी नगरपालिकाको अध्यक्ष भएर संगठन विस्तार, विद्यार्थीका समस्याहरुको समाधानको निम्ति सम्बन्धित निकायसंग छलफल लगाएतका काम गर्नभयो । २०७८ सालमा चौरजहारी नगरपालिकाको स्कुलिङ विभाग प्रमुखको जिम्मेवारी प्राप्त गर्नुभयो । हाल भने विद्यार्थी संगठनको जिल्ला उपाध्यक्ष कर्णाली प्रदेश समिति सचिवालय सदस्यको जिम्मेवारी सम्हालि रहनुभएको छ ।

लामो समयदेखि विद्यार्थी संगठनमा रहेर काम गरेको अनुभवलाई अव साझा विद्यार्थी संगठनको नेतृत्वमा पुगेर प्रयोग गर्ने योजना आफ्ना रहेको उहाँले सुनाउनुभयो । धेरै शैक्षिक समस्याहरु बारे आफु जानकार रहेकोले आफुलाई काम गर्न समस्या नहुने उहाँको भनाई छ ।   

छोटो समयमा अवसर पाएकी निर्मला 
उम्मेरले २१ वर्ष पुगेकी त्रिवेणी गाउँपालिका वडा नम्बर २ बिमैचाकी निर्मला बुढाथोकीलाई अखिल क्रान्तिकारीले आसन्न स्ववियू निर्वाचनका लागि सिम्रुतु क्याम्पसको सभापतीको उम्मेदवार बनाएको छ । कक्षा १ देखि ८ सम्म पिपलनाथ आधारभुत विद्यालयमा अध्यन गरेकी बढाथोकीले ९ कक्षा देखि १२ सम्म त्रिवेणी मावि सिम्रुतुमा अध्यन गर्नुभयो ।

२०७५ सालमा कक्षा १२ मा अध्यन गर्दै गर्दा संगठनको पालिका समितिमा आवद्ध हुनुभएकी बुढाथोकी २०७८ सालमा जिल्ला सम्मेलनबाट संगठनको जिल्ला सह–सचिव पदमा निर्वाचित हुनभयो । सोही वर्ष कर्णाली  प्रदेश सुर्खेतमा भएको सम्मेलनबाट संगठनको प्रदेश समिति सदस्य बन्नुभयो । २०७९ असोज २५ र २६ गते चितवनमा भएको राष्ट्रिय छात्रा भेलाले उहाँलाई छात्रा विभागको केन्द्रीय सदस्यको जिम्मेवारी दियो । अहिले उहाँ सोही क्याम्पसको शिक्षा संकाय तर्फ स्नातक पहिलो वर्षमा अध्यन गरिरहनु भएको छ । 

संगठनमा हालसम्मको जिम्मेवारीबाट हाँसिल गरेको अनुभवलाई विद्यार्थीका समस्यालाई हल गर्न, शैक्षिक सुधारका लागि भूमिका खेल्न, शैक्षिक सवालमा पैरवि गर्न प्रयोग गर्ने बुढाथोकी बताउनुहुन्छ । खास शैक्षिक सवालमा केन्द्रीत हुने आफ्नो योजना रहेको उहाँले सुनाउनुभयो ।
  
स्ववियू सभापतिका उम्मेदवारहरुसंगको कुराकानीमा आधारित ।