मुसिकोट नगरपालिका वडा नम्बर १ खलंगाको बराहटाकुरामा शुक्रबार देखि सुरु भएको रुकुम कृषि, पर्यटन, व्यापार तथा साँस्कृतिक महोत्सवमा आज देखि राष्ट्रिय तथा स्थानीय कलाकारहरुले प्रस्तुति राख्दै छन् । महोत्सवमा आजबाट टिकट शुल्क समेत लाग्ने छ ।

शुक्रबार उद्घाटन मात्र भएकामा महोत्सवमा आज देखि खास कार्यक्रमहरु सुरु हुन लागेको महोत्सव आयोजक समितिका संयोजक डिल्ली परियारले जानकारी दिनुभयो । उहाँका अनुसार आज महोत्सवमा राष्ट्रिय कलाकार रामजी खाँड आउँदैहुनुहुन्छ । महोत्सवका लागि भनेर खाँड जिल्ला आइसकेको उहाँको भनाई छ ।

आज उहाँ सहित महोत्सवमा हाँस्यकलाकार पुर्बे बा ले पनि प्रस्तुति राख्ने परियारले बताउनुभयो । त्यस्तै पूर्णिमा पाण्डे, केबिका मगर लगायतका स्थानीय कलाकार तथा जुम्बा डान्स ग्रुपको प्रस्तुति र लाइभ दोहोरी समेत संचालन हुने बताइएको छ ।