रुकुम पश्चिमको मुसिकोटमा जारी महोत्सवमा आज चर्चित लोक दोहोरी गायिका तथा मोडल ज्योती मगर आउने आयोजकले जनाएको छ । महोत्सवको पाँचौ दिन आज ज्योती मगर सहित विभिन्न कलाकारहरुले प्रस्तुति राख्ने आयोजक समितिका संयोजक डिल्ली परियारले जानकारी दिनुभयो । महोत्सवमा विभिन्न राष्ट्रिय कलाकारहरु आउने क्रममा पाँचौं दिन आज ज्योती आउने परियारले बताउनुभयो । आज महोत्सवको मुख्य आकर्षकका रुपमा ज्योती रहने उहाँको भनाई छ । 

महोत्सवमा ख्याती प्राप्त कलाकारहरुले ल्याउने प्रयास भइरहेको आयोजकले जनाएको छ । आयोजकले महोत्सवमा कलाकार पल शाहलाई पनि ल्याउने जनाएको छ । मिति भने निश्चित हुन बाँकी रहेको संयोजक परियारको भनाई छ । त्यस्तै एलिना चौहान लगायतका कलाकारहरु पनि महोत्सवमा आउने उहाँले बताउनुभयो । महोत्सव चैत्र ७ गतेसम्म संचालन हुने छ ।

“रुकुम पश्चिम समृद्धिको आधार, कला संस्कृति, पर्यटन विकास र उद्योग व्यापार” भन्ने मुल नाराका साथ राष्ट्रिय लोक दोहोरी प्रतिष्ठान रुकुम पश्चिमको आयोजना र कला संस्कृति पर्यटन प्रवद्र्धन मञ्च रुकुम पश्चिमको सह–आयोजनामा महोत्सव आयोजना गरिएको हो ।