मुसिकाेटमा जारी रूकुम महाेत्सवमा बिहिबार भाेली चर्चित नायक तथा माेडल पल शाह आउनुहुनेभएकाे छ । आयाेजकका अनुुसार पल हेलिकाेप्टर मार्फत रूकुम आउनुहुने छ । सफाई पाएर जेलबाट मुक्त भएपछि पल पहिलाे पटक सार्वजनिक कार्यक्रममा सहभागी हुन लाग्नुभएकाे हाे । 

दर्शककाे माग अनुसार पललाई रूकुम ल्याउन लागिएकाे महाेत्सव आयाेजक समितिका संयाेजक डिल्ली परियारले जानकारी दिनुभयाे । नाबालिक जवरजस्ती करणिकाे आराेपमा पक्राउ परेका पलले एक वर्ष जेल जीवन विताउनु परेकाे थियाे । उक्त मुद्दामा लदालतले पललाई एक वर्षपछि सफाई दिएकाे थियाे । 

जेल मुक्त भएपछि पल पहिलाे पटक सार्वजनिक कार्यक्रमका लागि रूकुम महाेत्सवमा आउने भएपछि बिहिबार दर्शककाे उपस्थिति बढ्ने आयाेजकले विश्वास लिएकाे छ । महाेत्सवमा अन्य कलाकारले पनि प्रस्तुति राख्ने छन् ।