रुकुम पश्चिमको सदरमुकाम मुसिकोट खलंगाको बराहटाकुरामा आयोजित महोत्सवमा आइतबार भोली नायक आर्यन सिग्देल आउँदै हुनुहुन्छ । महोत्सवमा प्रस्तुति राख्नका लागि भोली नायक सिग्देल आउन लागेको महोत्सव संयोजक डिल्ली परियारले जानकारी दिनुभयो । महोत्सवका लागि उहाँ काठमाडौंबाट हिडिसेकेको परियारको भनाई छ ।

नायक सिग्देल संगै भोली गायक तिलक परियारको प्रस्तुति रहने आयोजकले जनाएको छ । त्यस्तै अन्य कलाकारहरुले पनि महोत्सवमा प्रस्तुति राख्ने छन् । आइतबार महोत्सवको १० औं दिन हो । फागुन २६ गतेदेखि सुरु भएको महोत्सव चैत्र ७ गतेसम्म संचालन हुने छ । राष्ट्रिय लोक दोहोरी गित प्रतिष्ठान रुकुम पश्चिम र कला सांस्कृतिक पर्यटन प्रवद्र्धन मञ्च रुकुम पश्चिमले संयुक्त रुपमा महोत्सव आयोजना गरेका हुन् ।