रुकुम पश्चिमको मुसिकोट नगरपालिका वडा नम्बर ६ की एक महिला २ साता देखि वेपत्ता भएकी छन् । जिल्लाको त्रिवेणी गाउँपालिका वडा नम्बर ५ जिवाङ माइती भएकी मुसिकोट नगरपालिका वडा नम्बर ६ भण्डारीकाँडाकी ३२ वर्षिया झरना सेन ठकुरी चैत्र १८ गतेदेखि वेपत्ता हुनुभएको हो । 

उहाँ माइती घरबाट सम्पर्क विहिन हुनुभएको हो । झरना धेरै समय माइतीमै बस्दै आउनुभएको थियो । छोटो कपाल भएकी झरनाको मानसिक सन्तुलन पूर्णरुपमा ठिक नभएको उहाँका दाई केशर ओलीले बताउनुभयो । बहिनीलाई बेला बेलामा मानसिक समस्याले धेरै नै सताउने गरेको उहाँको भनाई छ । 

चैत्र १८ गते घरबाट केही नभनी बहिनी वेपत्ता भएको दाई केशरले बताउनुभयो । आफन्त र जानसक्ने सम्भावित सबै ठाउँमा खोजी गरिसकिएको र प्रहरीको समेत खबर गरिएको उहाँले बताउनुभयो । कसैले फेला पारेमा मोबाइल नम्बर ९८०६२१६२७८ र ९८६८६०९२२० मा सम्पर्क गर्न तथा नजिकको प्रहरी कार्यालयमा खबर गरिदिन झरनाका परिवारजनले आग्रह गरेका छन् ।

उहाँका एक छोरा छन् भने श्रीमान भारतको गोवामा रहनुभएको बताइएको छ ।