नेपडेन
प्रिय जमु...
नयाँ वर्ष संगै
नयाँ जीवनको शुभकामना...
वसन्तको आगमन संगै
पल्लवित नयाँ पालुवा
ढकमक्क फुलेका गुराँस
बिहानी चराका चिरबिर आवाज
यी सब फिका फिका लागेको छ
तिम्रो यो खबर सुनेर ...
बुँङबुँङ उड्ने चैते धूलो झैँ
पलपल छटपटाहट छ
बेचैनको कुनै हिसाब छैन ...
पटक पटक यी औला
मोबाइलमा संग्रहित
कतै तिम्रा भिडियो कतै तस्बिर
त कतै तिम्रो म्यासेज आयो कि
खोतल्न खोज्छ यो मन ...!!
यो हुनु थियो जमु
थाहा थियो
हुनै थियो एकदिन...
चकमन्न कैयन रात
आकाशका तारा गन्दै बसेको समय
गाडीको झ्यालतिर बसी
खोला खोल्सी हेरेको पल
खुट्टा बाउडियर तिमी रोएको पल
एकसाथ आइरहेका छन्
यी नयन वरिपरी....
त्यो हाम्रो भेट त्यो चिनारी
ति यात्रा
कदापि भुल्दिन जमु
भुल्नलाई भएकै होइनन् ,
हाम्रो चिनारी संयोग होला
तर जमु ...
त्रिसुली नदी किनारै किनार
देउरालीमा फूल चढाएको
कसरि भुल्नु जमु ...!
गोरखपुरको रेलको यात्रा
किन भुल्नु र जमु ...!!
यो जीवन यात्रामा
हजारौ संग आँखा जुधे होलान
सयौसंग हात मिले होलान
तर के ति सबै सम्झिन सकिन्छ र जमु ?
अवस्य नाइँ ...
हाम्रो सम्बन्ध
पानीको फोका झैँ
चाडै बिलाउने होइन जमु ...
बिन्ति नभुल्नु है ...!!
कुनै बेला चित्त दुखाए होला
रुवाए होला
माफ गर जमु ..
अप्राजोलम खाएर बिताएका
हिजो आजका यी रातको कसम
तिमीलाई नसम्झेका दिन
क्यालेन्डरमा भेटाउदिन जमु ...
तिमीले सम्झेर पठाईदिएका
टि-सर्टमा सझिएर
एना अगाडी उभिदा...
मलाई थाहा छ जमु,
यी नयनले तिमीलाई खोज्ने छन्
पैतालाले तिमीसंग यात्रा गरेको
महसुस गर्नेछन ..
बिन्ति जमु, नभुल्नु है ...!!
साँची भनौ जमु ?
म तिमीलाई धेरै धेरै धेरै माया गर्छु
यदि कदमकदाचित
बोलचाल बन्द भयो भने पनि
प्लिज नभुल्नु है जमु ...!!!
झरी परेको अधेरी रात होस् या
पानी परेपछि खुलेको आकाश
तिम्रा याद वरिपरि हुने छन् जमु
तिमीडाँडापारी भएपनि...!!
तिमीले सधैं भन्छेउ नी जमु
साँची म फेरी लगाउन आउछु
तिमी सिदा लिएर ढोकामा आउनु है ....
बदलिन्छ समय ...बदलिन्छ परिस्थिति
बिन्ति तिमी चाहिँ नबदिलिनु है...!!!
मखमली माया मेरी प्यारी जमु ...
आइ लभयु !!!
