राष्ट्रिय लेखा दिवसकाे अवसरमा सुर्खेतमा आयाेजित ब्याडमिन्टन प्रतियोगितामा कर्मचारी तर्फ इश्वर रावल र कबिन्द्र पुन प्रथम भएकाे छ । आज भएकाे फाइनलमा महेन्द्र सिंह र खगेन्द्र माझिकाे जाेडीलाई पराजित गर्दै इश्वर र कबिन्द्रकाे जाेडी प्रथम भएकाे हाे ।

कर्णाली प्रदेश भित्रका कर्मचारीले प्रतिस्पर्धा गरेका थिए । विजेता जाेडीले २२ हजार २ सय २२ रूपैयाँ पुरस्कार पाउँदा उपविजेता जाेडीले ११ हजार १ सय ११ रूपैयाँ पाएकाे आयाेजक प्रदेश लेखा नियन्त्रक कार्यालय सुर्खेतले जनाएकाे छ । दिवसकाे अवसरमा खुला, भेट्रान र वि लेभल स्तरीय ब्याडमिन्टन पनि आयाेजना गरिएकाे थियाे ।