सर्वाधिक पुरस्कार राशिको रुकुम कप भलिबलमा भोली सेमिफाइनलका खेलहरु हुने छन् । आज क्वाटरफाइनलका खेलहरु सम्पन्न भएपछि भोली सेमिफाइनलका खेलहरु हुने भएका हुन् । आयोजक रुकुम पश्चिम, सल्यान, सुर्खेत र सशस्त्र प्रहरीको ६ नम्बर बाहिनी सेमिफाइनल पुगेका छन् । अव सेमिफाइनलमा आयोजक र सल्यान तथा सुर्खेत र सशस्त्र प्रहरी भिड्ने छन् । पहिलो सेमिफाइनलमा आयोजक र सल्यान बिहान १० बजे भिड्ने आयोजकले जनाएको छ ।

दोस्रो खेलमा सशस्त्र र सुर्खेत भिड्ने छन् । भोली २ खेल मात्र हुने छन् । प्रतियोगिताको विजेताले ५ लाख पुरस्कार पाउने छ । उप विजेताले २ लाख ५० हजार जित्दा सेमिफाइनलमा पुग्ने २ टिमले समान १÷१ लाख पुरस्कार पाउने छन् । प्रतियोगिता कर्णाली प्रदेशकै हालसम्मको सर्वाधिक पुरस्कार राशिको रहेको आयोजक रुकुम पश्चिम भलिबल प्रशिक्षण केन्द्रका अध्यक्ष तेजविक्रम बि.एम.ले बताउनुभयो ।