रुकुम पश्चिमको मुसिकोटमा जारी रुकुम कप भलिबलको फाइनल आज हुने भएको छ । फाइनलमा आयोजक रुकुम पश्चिम र सशस्त्र प्रहरीको ६ नम्बर बाहिनी भिड्ने छन् । हिजो भएको सेमिफाइनलमा सल्यानलाई हराउदै रुकुम पश्चिम र सुर्खेतलाई हराउदै सशस्त्र फाइनल पुगेका हुन् । यि दुई टोलीविच समुह चरणमा भेट भइसकेको छ । उक्त खेलमा आयोजक रुकुम पश्चिमले बाजि मारेको थियो ।

रुकुम पश्चिम उक्त जितलाई दोहोर्याउदै उपाधि जित्न चाहन्छ भने सशस्त्र समुह चरणको हारको बदला फाइनलमा लिन चाहन्छ । फाइनल खेल दिउँसो १ बजे सुरु हुने आयोजक रुकुम पश्चिम भलिबल प्रशिक्षण केन्द्रका अध्यक्ष तेजविक्रम वि.एम.ले जानकारी दिनुभयो ।

उहाँका अनुसार आज फाइनलको दिन साँस्कृतिक कार्यक्रम पनि हुने छन् । त्यसका लागि हिमालय लोक स्टार बलराम विश्वकर्मा आउन लागेको वि.एम.ले बताउनुभयो । हिमालय लोक स्टार बनेपछि पहिलो पटक गृहजिल्ला आउनुभएका बलराम पहिलो पटक नै सार्वजनिक कार्यक्रममा सहभागी हुनुहुँदै छ ।