रुकुम पश्चिमको मुसीकोट नगरपालिका ९, को कार्यालयले जग्गादातालाई सम्मान गरेको छ । काउलेखोला आर्यघाटमा प्रतिक्षालय बनाउनका लागि १ सय बर्गमिटर जग्गा निःशुल्क दान गरेका अर्जुन ओलीलाई सम्मान गरिएको हो । वडाध्यक्ष नविन ओलीले दोसल्ला ओढाएर सम्मान गर्नुभएको हो ।

आर्थिक बर्ष २०७७/०७८ मा कार्यान्वयन हुने गरी नगर परिसद् मार्फत काउलेखोला आर्यघाटमा प्रतीक्षालय निर्माणको लागि तीन लाख रुपैयाँ विनियोजन भएको थियो । त्यसैका लागि अर्जुनले जग्गादान गर्नुभएको थियो । सम्मान कार्यक्रमका साथै उक्त योजनाको जनलेखापरीक्षण समेत गरिएको छ ।

जनश्रमदान सहित तीन लाख १५ हजारमा उक्त काम सम्प्पन्न भइएको जानकारी दिइएको छ । साथै सोही कार्यक्रममा वडामा रहेका दुई वटा विद्यालय जनशिक्षा आधारभुत विद्यालय चौखावाङ र जुवाला आधारभुत विद्यालय हिलको दिवा खाजालाई थप व्यवस्थित र विद्यार्थीलाई खाजा खानको लागि सहज बनाउन प्लेट तथा चम्चा सहयोग गरिएको छ ।