रुकुम पश्चिमको त्रिवेणी गाउँपालिका वडा नम्बर ३ कुरलमा रहेको शहिद स्मृति क्लवको साधारण सभा सम्पन्न भएको छ । नयाँ कार्य समिति चयन गर्दै सभा सम्पन्न भएको हो । क्लवका उपाध्यक्ष विनोदकुमार केसीको अध्यक्षतामा भएको कार्यक्रममा ३ नम्वर वडाध्यक्ष दिपेन्द्रकुमार ओलीको प्रमुख आतिथ्यता रहेको थियो ।

कार्यक्रममा क्लवका सल्लाहकार संयोजक एवं शिक्षक जोखबहादुर ओलीको विशेष आतिथ्यता रहेको थियो । सभाबाट क्लवको नयाँ कार्य समिति र नयाँ सल्लाहकार समिति चयन गरिएको छ । बिरबहादुर ओली अध्यक्ष रहने गरि १ जना उपाध्यक्ष, १ जना सचिव, १ जना सहसचिव, १ जना कोषध्यक्ष र ६ जना सदस्य सहितको ११ सदस्यीय नयाँ कार्य समिति चयन गरिएको छ । 

त्यस्तै वडाध्यक्ष सल्लाहकार संयोजक रहने गरि ३ सदस्यीय सल्लाहकार समिति पनि चयन गरिएको छ । क्लवले विभिन्न कार्यक्रम तथा सहिद परिवारलाई सम्मान गर्दै आइरहेको छ ।