विश्व वातावरण दिवसको अवसरमा रुकुम पश्चिममा वृक्षारोपण गरिएको छ । सिद्धार्थ बैंकले मुसिकोट १ खलंगाको त्रिभुवन जनता माविमा वृक्षारोपण गरेको हो । रुख कटर, अमिलो र कागती १० वटा बिरुवा विद्यालय परिषरमा रोपिएको बैंकका शाखा प्रवन्धक ओपेन्द्र बिष्टले जानकारी दिनुभयो । 

विद्यालय परिषरमा सरसफाइ समेत गरिएको उहाँले बताउनुभयो । प्लाष्टिकको प्रयोगलाई विस्थापित गर्ने र वातावरण जोगाउने उद्ेश्यका साथ वृक्षारोपण र सरसफाई कार्यक्रम संचालन गरिएको शाखा प्रवन्धक बिष्टले बताउनुभयो । कार्यक्रममा शाखा प्रवन्धक बिष्ट सहित बैंकमा कार्यरत सबै कर्मचारीहरुको सहभागिता रहेको थियो । 

बैंकले विभिन्न दिवसका अवसरमा सचेतनामुलक र रचनात्मक कार्यक्रमहरु गर्दै आएको छ । आज विश्व वातावरण दिवसको अवसरमा देशभरमा रहेका सिद्धार्थ बैंकका शाखाहरुले वृक्षारोपण र सरसफाई कार्यक्रम संचालन गरेको बताइएको छ ।