रुकुम पश्चिमको चौरजहारी नगरपालिकामा राष्ट्रपति रनिङ शिल्ड तथा नगरप्रमुख कप आयोजना हुने भएको छ । चैत ११ गतेदेखि १४ गते सम्म शिल्ड र नगर कप सञ्चालन हुने भएको हो । नगरपालिकाको वडा नम्बर २ को शितल माध्यामिक विद्यालयमा शिल्ड र नगर प्रमुख कप सञ्चालन गरिने नगरपालिकाले जनाएको छ ।

शिल्ड तथा नगर कपमा नगरपालिकका भित्रका निजि र सामुदायिक विद्यालय गरी ४० विद्यालको सहभागि हुने नगरपालिकाका निमित्त प्रमुख प्रशासकीय अधिकृत रामबहादुर केसीले जानकारी दिनुभयो । उहाँका अनुसार माध्यामिक तहमा छात्र–छात्रा भलिबल, लामो तथा छोटो दुरिको दौड, लङजम्प, हाइजम्प, ज्याप्लिङ थ्रो र सटपुट लगायत प्रतियोगिताको आयोजना गरिएको छ ।

त्यस्तै आधारभुत तह (कक्षा ६–८) छात्र, छात्रा दौड, हाइजम्प, लङगजम्प र कक्षा १–५ को लागि दौड र हिसाब दौड जस्ता खेलकुद सञ्चालन गरिने भएको छ । प्रतियोगितामा कक्षा १२ सम्म पढ्ने १८ वर्ष नपगेका विद्यार्थीले मात्रै भाग लिन पाउने नगरपालिकाको भनाई छ ।