तत्कालिन नेकपा माओवादी केन्द्र र नेकपा एमाले मिलेर नेपाल कम्युनिष्ट पार्टी बनेको तीन वर्ष पूरा भइसक्यो । केन्द्रदेखि जिल्ला सम्म यसले पूर्णता भने पाउन सकेको छैन । पार्टी एकता पश्चात मुल रुपमा एकता भएको भनिएपनि तह तहसम्म एकताका विभिन्न काम हुन बाँकी छन् । पछिल्लो पटक रुकुम पश्चिममा भने पार्टी एकता र सपथ ग्रहण धमाधम भइरहेका छन् । पार्टीका भातृ तथा भगिनी संगठनमध्य हाल मुख्य ४ संगठनको एकता प्रक्रिया टुंगिएको छ । पार्टी, राष्ट्रिय युवा संघ, अनेरास्ववियु, आदीवासी जनजाती मगर संघ र अखिल नेपाल किसान महासंघले जिल्ला तथा स्थानीय तहसम्मको एकता टुंग्याएका छन् । महिला तथा अन्य केही संगठनको भने एकता हुन बाँकी नै छ ।

पार्टीको जिल्ला कमिटि पहिल्यै बनेपनि अरु भातृ संगठनहरुको भने भर्खरै एकता प्रक्रिया टुँगिएको छ । एकता टुँग्याएका संघ, संगठनहरुले पहिलो चरणको बैठक समेत गरिसकेका छन् । पालिका पालिकामा पुगेर दुवै पार्टीका सदस्यलाई सहभागि बनाएर सपथ ग्रहण तथा बैठक समेत सक्काएका छन् । दुवै पार्टी तथा भातृ संगठनको एकतापछि निश्चित संख्यामा कमिटिहरु फर्मेशन गरिएको छ । जिल्लामा एउटा संख्या छ भने पालिका अनुसार पनि सदस्य संख्या निक्र्योल गरिएको छ । पार्टी र अरु एकता भइसकेका ४ वटा भातृ तथा भगिनी संगठनहरुको एकता वडादेखि सेल सम्म पुर्याइएको नेकपा जिल्ला कमिटिले जनाएको छ ।

एकताको तेस्रो बैठकले आर्थिक समृद्धि तथा सामाजिक रुपान्तरण अभियान सञ्चालन गर्ने निर्णय गरेको थियो । सोही निर्णय अनुसार जिल्लामा हाल संगठन सुदृढिकरण, आर्थिक उत्पादन बृद्धि गर्ने, सामाजिक रुपान्तरणको काम, रोजगारी सृजना गर्ने खालका अभियान चलिरहेका छन् । विशेष गरी दुई वटा समिति बनाएर पार्टी सेल सम्मै पुुगिरहेको संयोजक गोपाल शर्माले बताउनुभयो । त्यसका लागि केन्द्रीय सदस्य, प्रदेश सदस्य, जिल्लाका पदाधिकारी तथा गाउँ नगरपालिका सदस्यहरु गाउँ गाउँमा खटिएको संयोजक शर्माले जानकारी दिनुभयो । आर्थिक उत्पादन र विकासको नेतृत्व गर्ने गरी एउटा टिम र सामाजिक साँस्कृतिक रुपान्तरणको काम गर्ने गरी अर्को टिम वडा तहसम्म गएर काम गरिरहेको शर्माले जानकारी दिनुभयो ।

विशेष गरी कोरोना भाइरसलाई ख्याल गरेर पार्टी तथा सरकारका गतिविधिलाई सघाउने काम गरिरहेको संयोजक शर्माले जानकारी दिनुभयो । एकता प्रक्रिया टुंग्याइसकेका जनवर्गिय संगठन पनि पार्टीको कामलाई सघाउन लागिरहेका छन् । एकता प्रक्रिया टुंगिसकेपछि युवालाई एकीकृत गर्ने, संगठित गर्ने, विकास निर्माणमा जोडेर आर्थिक उत्पादनमा लाग्ने गरी कार्य योजना बनाइएको राष्ट्रिय युवा संघका केन्द्रीय सदस्य शैलेश शर्माले जानकारी दिनुभयो । ‘जिल्लादेखि वडातहसम्मको एकता प्रक्रिया सकियो,’ शर्माले भन्नुभयो, ‘अब युवाहरु संगठित हुनु भएको छ, संगठित शक्तिलाई अन्यत्र भन्दा आर्थिक उपार्जन, विकास र रुपान्तरणको अभियानमा जोडिएर लैजाने कुरा छ ।’

जिल्ला कमिटिः

मुसीकाेट नगरपालिकाः

चाैरजहारी नगरपालिकाः

आठबीसकाेट नगरपालिकाः 

बाँफिकाेट गाउँपालिकाः

सानीभेरी गाउँपालिकाः

त्रिवेणि गाउँपालिकाः