ओलम्पिक डे को अवसरमा मुसिकोटमा ब्याडमिन्टन प्रतियोगिता हुने
ओलम्पिक डे को अवसरमा रुकुम पश्चिममा ब्याडमिन्टन प्रतियोगिता हुने भएको छ । नेपाल ब्याडमिन्टन संघको सर्कुलर अनुसार जिल्ला ब्याडमिन्टन संघले असार १ र २ गते मुसिकोट खलंगास्थित बराहटाकुरा कवर्डहलमा प्रतियोगिता गर्ने भएको हो ।
जिल्ला ब्याडमिन्टन संघका उपाध्यक्ष डम्बर थापाका अनुसार भेट्रान र नन भेट्रान गरी दुई वटा इभेन्टमा खेल खेलाइने छ । ४५ वर्ष माथिका खेलाडीले भेट्रान र ४५ वर्ष मुनिका खेलाडीले नन भेट्रान तर्फ प्रतिस्पर्धा गर्न पाउने उपाध्यक्ष थापाले बताउनुभयो । प्रतियोगितामा सहभागि सबै खेलाडीलाई पोसाक र प्रमाण–पत्रको व्यवस्था रहेको उहाँको भनाई छ ।
प्रतियोगितामा सहभागिताका लागि प्रति टिम १ हजार दर्ता शुल्क कायम गरिएको छ । प्रतियोगितामा जिल्ला भित्रका खेलाडीहरुले प्रतिस्पर्धा गर्न पाउने छन् । टिम दर्ता जेठ २९ गतेसम्म गर्न सकिने आयोजकले बताएको छ ।
प्रकाशित मिति: बिहीबार, जेठ २५, २०८० १८:३६
प्रतिक्रिया दिनुहोस्
-1732617497.jpg)
साताको लोकप्रीय
