रुकुम पश्चिमको मुसिकोट नगरपालिका स्तरीय हाजिरजवाफ प्रतियोगितामा बालकल्याण मावि झुल्खेत प्रथम भएको छ । लघुवित्त कर्मचारी मञ्च रुकुम पश्चिमले आयोजना गरेको प्रतियोगितामा नगरका १५ वटा माविले प्रतिस्पर्धा गरेकामा बालकल्याण मावि प्रथम भएको हो । 

प्रतियोगितामा न्यु मुन लाइट बोर्डिङ स्कुल द्धितिय, ज्ञानोदय मावि भलाक्चा तृतिय र महेन्द्र मावि छिवाङ शान्त्वना भएका छन् । प्रतियोगिताको प्रथमले ५ हजार १, द्धितियले ३ हजार १, तृतियलाई २ हजार १ र शान्त्वनाले १ हजार १ नगद, ट्रफि र प्रमाण–पत्र प्राप्त गरेको लघु वित्त कर्मचारी मञ्चका उपाध्यक्ष संगम देवकोटाले जानकारी दिनुभयो । 

मञ्चको वार्षिक कार्ययोजना बमोजिम बैशाख महिनामा गर्नुपर्ने सामाजिक कार्य अन्तर्गत हाजिरजवाफ प्रतियोगिता आयोजना गरिएको उहाँको भनाई छ । मञ्चका अध्यक्ष देबसिंह ठकुरीको अध्यक्षतामा भएको कार्यक्रममा मुसिकोट नगरपालिकाका उप प्रमुख विमलकुमार पुनको प्रमुख आतिथ्यता रहेको थियो । 

कार्यक्रमको संचालन मञ्चका महासचिव गोविन्द थापाले गर्नुभएको थियो । कार्यक्रम आईतबार खलंगाको त्रिभुवन जनता माविमा भएको थियो ।