रुकुम पश्चिममा अटो दुर्घटना हुँदा एक जना घाईते भएका छन् । रुकम पूर्वबाट दाङ जाँदै गरेको अटो राप्ती लोकमार्ग अन्तर्गत पर्ने रुकुम पश्चिमको मुसिकाेट नगरपालिका वडा नम्बर ४ को बोहरागाउँ नजिकै आज दुर्घटना भएकाे हाे । रा १ ह ६३७१ नम्बरको अटो दुर्घटनामा परेको जिल्ला प्रहरी कार्यालय रुकुम पश्चिमले जनाएकाे छ । 

दुर्घटनामा परी अटो चालक डोर नगरपालिका ४ पर्सा विरगंजका का २७ वर्षिय सेकेन्दर दास तत्वा घाईते भएको जिल्ला प्रहरी कार्यालयका सूचना अधिकारी प्रहरी निरीक्षक धर्मेन्द्र खड्काले बताउनुभयाे । घाईतेकाे टाउकोमा चोट लागेको छ । चाेट सामान्य  रहेकाे खड्काले बताउनुभयाे । घाइतेलाई तथ उपचारको लागि राप्ती क्षेत्रीय अस्पताल दाङ लगिएको छ ।

चालक मात्रै अटोमा सवार रहेको बताएको छ । पुर्वी रुकुमको रुकुमकोटमा सञ्चान हुँदै आएको अटो संचालकले किस्ता तिर्न नस्कदा कम्पनीले जफत गरेर लैजाने क्रममा दुर्घटनामा परेको प्रहरीले जनाएकाे छ । अटो सडकबाट २० मिटर तल खसेको प्रहरी निरीक्षक खड्काले जानकारी दिनुभयो । सडकबाट खसेकाे अटाे सालकाे रुखमा अड्किएकाे थियाे ।