रुकुम पश्चिमका ५ स्थानीय तहले आज बजेट ल्याउने भएका छन् । सानीभेरी गाउँपालिका बाहेक अन्य स्थानीय तहले नीति, कार्यक्रम र बजेट ल्याउन लागेका हुन् भने सानीभेरीले नीति कार्यक्रम यसअघि नै ल्याइसकेको छ । 

चौरजहारी नगरपालिकाले भने शुक्रबार नीति कार्यक्रम र शनिबार बजेट ल्याइसकेको छ । आज मुसिकोट नगरपालिका, आठबीसकोट नगरपालिका, बाँफिकोट गाउँपालिका, त्रिवेणी गाउँपालिकाले नीति कार्यक्रम र बजेट ल्याउदै छन् । सानीभेरीले भने बजेट मात्र ल्याउने छ । 

स्थानीय तहले असार १० गतेभित्र नीति कार्यक्रम र बजेट ल्याइसक्नुपर्ने व्यवस्था छ । सोही अनुसार आज देशभरका अधिकांश स्थानीय तहहरुले आज नीति कार्यक्रम र बजेट ल्याउदै छन् ।