कखरा डटकममा कार्यरत पत्रकार बलेन्द्र ओली सम्मानित हुनुभएको छ । त्रिवेणी गाउँपालिकाको गाउँसभाको नवौं अधिवेशनबाट ओली सम्मानित हुनुभएको हो । पत्रकारिताको माध्यमबाट पुर्याएको योगदानको कदर गर्दै गाउँपालिकाले ओलीलाई सम्मान गरेको हो । गाउँपालिकाका विभिन्न गतिविधिलाई बाहिर ल्याउन सहयोग गरेको भन्दै सम्मान गरिएको गाउँपालिकाले प्रदान गरेको सम्मान पत्रमा उल्लेख छ ।

ओली त्रिवेणी गाउँपालिकावासी हुनुहुन्छ । त्यस्तै गाउँपालिकाले वडा कार्यालय र स्वास्थ्य चौकी भवनका लागि जग्गा दान गर्ने २१ जना जग्गादातालाई पनि सम्मान गरेको छ । त्यस्तै उत्कृष्ट काम गर्ने कर्मचारी, कर संकलक, प्राध्यानाध्यापक लगायत १७ जनलाई समेत सम्मान गरिएको गाउँपालिकाका प्रमुख प्रशासकीय अधिकृत प्रेमबहादुर घर्तीले जानकारी दिनुभयो ।