रुकुम पश्चिमको आठबीसकोट नगरपालिकाले विभिन्न व्यक्तिहरुलाई सम्मान गरेको छ । चौंथो नगरसभाबाट विभिन्न क्षेत्रका १० जनालाई सम्मान गरिएको हो । उत्कृष्ट खेलाडीका रुपमा धिरेन्द्र विक, खेलकुद क्षेत्रबाट सन्देश बिक, उत्कृष्ट प्रध्यानाध्यापकका रुपमा हिमालय मावि खदीका प्रअ कृष्णराज केसी र पर्यटन पुर्वाधारत तर्फ बिष्णुबहादुर बोहरालाई सम्मान गरिएको छ । 

त्यस्तै मिडिया तर्फ पत्रकार अर्जुन बिष्ट, कलाकार तर्फ मोडल दीपा शाही, उत्कृष्ट कृषकका रुपमा दलबहादुर बुढा, उत्कृष्ट कर्मचारीका रुपमा नगर प्रहरी दिपक थापा, उत्कृष्ट उपभोक्ता समिति तर्फ डण्डे ओली र उत्कृष्ट जनप्रतिनिधिका रुपमा वडा नम्बर ७ का अमृत बुढालाई सम्मान गरिएको नगर प्रमुख रबि केसीले जानकारी दिनुभयो । 

नगरपालिकाको हितको लागि विभिन्न क्षेत्रमा योगदान गर्ने व्यक्तिहरुलार्य विधागत रुपमा छनौट गरी सम्मान गरिएको उहाँले बताउनुभयो ।