रुकुम पश्चिमको चौरजहारीमा फोर्स गाडी दुर्घटना भएको छ । चौरजहारी नगरपालिका वडा नम्बर १ नाखिरा स्थित बसपार्कबाट चौरजहारी अस्पताल तर्फ जाँदै गरेको बाग्मती प्रदेश ०१००६ ख ५०६० नम्बरको फोर्स गाडी दुर्घटना हुँदा ३ जना घाइते भएका छन् ।

घाइते हुनेमा सह–चालक जारकोट छेडागाड नगरपालिका १२ का १९ वर्षिय नरेश बिटालु, सल्यान कुमाख गाउँपालिका १ का ५३ वर्षिया लक्ष्मी कुमाल र कुमाख गाउँपालिका वडा नम्बर २ का १२ वर्षिय गणेश राना रहनुभएको छ ।

घाइते सबैको अवस्था सामान्य रहेको जिल्ला प्रहरी कार्यालयका सूचना अधिकारी प्रहरी निरीक्षक धर्मेन्द्र खड्काले जानकारी दिनुभयो । घाइते सबैको चौरजहारी अस्पतालमा उपचार भइरहेको उहाँले बताउनुभयो । गाडि अनियन्त्रित भई सडकको नालीमा पल्टिएको प्रहरीले जनाएको छ । प्रहरीका अनुसार गाडी सह–चालकले चलाएका थिए ।