डोल्पाको त्रिपुराकोट देखि रुकुम पश्चिमको आठबीसकोट नगरपालिका आउदै गरेको भे १ ज ६०८ नम्बरको जिप आठबीसकोट ६ दमाचौरमा दुर्घटनामा परेको छ । जिपमा १३ जना सवार रहेकामा ५ जना घाइते  भएका छन । अन्य ८ जना भने सकुशल रहेको जिल्ला प्रहरी कार्यालय रुकुम पश्चिमले जानकारी दिएको छ । 

घाइते हुनेमा जाजरकोट जिल्ला नलगाड नगरपालिका ८ बगरकी ३९ वर्षिया सुशिला तामाङ, सोही ठाउँकी २१ वर्षिया विमला थकाली, ४३ वर्षिया गौरी थकाली, खोटाङ जिल्ला दिक्तेल नगरपालिका १ का ५२ वर्षिय तरिन्द्रप्रसाद आचार्य र सल्यान जिल्ला सारदा नगरपालिका ८ का ४० वर्षिय जगतबहादुर विष्ट रहनु भएको छ । 

घाईते सबैको अवस्था सामान्य रहेको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक धर्मेन्द्र खड्काले बताउनुभयो । घाइतेलाई उद्दार गरी नगर अस्पताल राडिमा उपचारको लागि ल्याइएको उहाँको भनाइ छ ।

गाडी चालक जाजरकोट जिल्ला नलगाड नगरपालिका वडा नम्बर ३ का २५ वर्षिय रामबहादुर बिक फरार रहेकाले खोजी कार्य भैरहेको प्रहरीको भनाई छ । जिप अनियन्त्रित भई सडकमै पल्टिएको बताइएको छ ।