रुकुम पश्चिमको आठबीसकोट नगरपालिका वडा नम्बर ९ मा अवस्थित राडीज्युला शिक्षा क्याम्पस र बालकल्याण माध्यमिक विद्यालय परिसरमा वृक्षारोपण गरिएको छ । बुधबार (आज) विद्यालय र क्याम्पस परिसरमा विभिन्न प्रजातिका डेढ सय विरुवा रोपिएको हो । 

विद्यालय र क्याम्पस क्षेत्र हराभरा तथा सुन्दर बनाउने उदे्श्यले कलकी, इपिलइपिल, कपुर, दालचिनी, पारिजात लगायतका विरुवा रोपिएको नगर प्रमुख रवि केसीले जानकारी दिनुभयो । सार्वजजिक क्षेत्र सबैको साझा सम्पती भएकाले सफा, स्वच्छ र सुन्दर राख्न सबैको महत्वपूर्ण भूमिका रहने उहाँको भनाई छ । 

वृक्षारोपन कार्यक्रममा नगर प्रमुख केसी, उपप्रमुख धनकुमारी शाही, ३ नम्बर वडा अध्यक्ष केशरमान विक, ५ नम्बर वडा अध्यक्ष घनश्याम भण्डारी, ७ नम्बर वडा अध्यक्ष अमृत बुढा, ९ नम्बर वडा अध्यक्ष जनकबहादुर बटला, राडीज्युला शिक्षा क्याम्पस सञ्चालक समितिका अध्यक्ष मणिराज बटाला, सव डिभिजन वन कार्यालय आठबीसकोटका प्रमुख बेगम केसी लगायतको उपस्थिति रहेको थियो ।