रुकुम पश्चिमको त्रिवेणी गाउँपालिकाले चालु आर्थिक वर्ष २०७९/०८० मा कुल बजेटको ८९.३ प्रतिशत बजेट खर्च गरेको छ । गाउँपालिकाले चालु आर्थिक वर्षमा कुल बजेट मध्ये ५६ करोड १५ लाख ९७ हजार बजेट खर्च गरेको हो ।
चालु तर्फ ८६.५ प्रतिशत अर्थात ३६ करोड ८८ लाख ९६ हजार बजेट खर्च भएको प्रमुख प्रशासकीय अधिकृ प्रेमबहादुर घर्तीले जानकारी दिनुभयो । उहाँका अनुसार चालुु तर्फ चालु आर्थिक वर्षका लागि ४२ करोड ४९ लाख ५७ हजार बजेट विनियोजन भएको थियो ।
चालु भन्दा पुँजीगत बजेट बढी खर्च भएको छ । पुँजीगत तर्फ २० करोड ५७ लाख ९७ हजार बजेट विजियोजन भएकामा ९३.६३ प्रतिशत खर्च भएको प्रमुख प्रशासकीय अधिकृत घर्तीले बताउनुभयो । यो कुल बजेट मध्ये १९ करोड २७ लाख हो । गाउँपालिकामा चालु आर्थिक वर्ष २०७९÷०८० मा चालु र पुँजीगत गरेर ६३ करोड ७ लाख ५४ हजार बजेट विनियोजन भएको थियो ।
जसमा चालु र पुँजीगत गरेर त्रिवेणी गाउँपालिकाले ८९.३ प्रतिशत अर्थात ५६ करोड १५ लाख ९७ हजार बजेट खर्च भएको जनाएको छ ।
