मध्यपहाडी लोकमार्ग अन्तर्गत रुकुम पश्चिमको मुसिकोट नगरपालिका वडा नम्बर ३ को खरखरेमा झरेको पहिरो हटाइएको छ । पहिरो हटाएसंगै मध्यपहाडी लोकमार्ग बिहान देखि संचालनमा आएको छ । गयरातीको वर्षासंगै झरेको पहिरोका कारण सडक अवरुद्ध भएपछि सयौं यात्रुहरु अलपत्र परेका थिए । सडक अवरुद्ध भएको स्थानमा मुसिकोट नगरपालिकाका प्रमुख महेन्द्र केसी, निमित्त प्रमुख प्रशासकीय अधिकृत बिनाराम खड्का लगायतको टोली आँफै पुगेको थियो ।

यो ठाउँमा पटक पटक पहिरो खसिरहेको छ । जसका कारण बारम्बार मध्यपहाडी लोकमार्ग अवरुद्ध हुँदै आएको छ । सडक सुचारु भएसंगै रोकिएका सवारी साधनहरु गन्तव्य तर्फ लागेका छन् । कमजोर भूगोलका कारण हिउदयाममा सुख्खा पहिरो गइरहने खरखरेमा बर्खायाम सुरुभएसंगै जोखिम झन बढेको छ ।