रुकुम पश्चिमको मुसिकोट नगरपलिका वडा नम्बर १२ मा बौलाहा कुकुरले टोक्दा २ जना घाइते भएका छन् । बौलाहा कुकुरले टोक्दा स्थानीय हरिबहादुर ओली र विरबहादुर ओली घार्ईते हुनुभएको हो । उहाँहरुको  जिल्ला अस्पताल सल्लेमा उपचार भइरहेको वडा अध्यक्ष धिरन सेर्पालीले जानकारी दिनुभयो ।

उहाँका अनुसार स्थानीय गोपाल ओलीले पालेको कुकुर बौलिदा हरिबहादुर र विरबहादुर संगै स्थानीयका पशु चौपायालयालाई पनि टोकेको थियो । जसमा ३ वटा पाडा, एउटा गोरु, ६ वटा भैँसी र ९ वटा कुकुर रहेका छन् । 

बौलाहा कुकुरले टोकेका पशु चौपाय संगै अन्य ५२ वटा कुकुरलाई पनि संक्रमण नहोस् भनेर नगर पशु सेवा शाखाको प्राविधिक सहयोगमा रेविज विरुद्धको खोप लगाइएको छ । बौलाहा कुकुरलाई भने स्थानीयले मारेको वडा अध्यक्ष सेर्पालीले बताउनुभयो ।