सानीभेरी नदीमा बगेर रुकुम पूर्वमा एक जना बेपत्ता भएका छन् । जिल्लाको सिस्ने गाउँपालिका वडा नम्बर ८ का ३८ वर्षीया छबिलाल पुन सानीभेरी नदीमा बगेर बेपत्ता हुनु भएको हो । पुनलाई आइतबार दिउसो साढे १ बजेको समयमा सानीभेरी नदीले बगाएको प्रहरीले जानकारी दिएको छ ।

आफन्तको मलामी गएको समयमा नुहाउने क्रममा ढुङ्गामा चिप्लिदा नदीले बगाएको प्रहरीले जनाएको छ । पुनको खोजी कार्य जारी रहेको जिल्ला प्रहरी कार्यालय रुकुम पूर्वले जानकारी दिएको छ ।